Уеннар турында

БДБ илләренең I Уеннары 2021 елның 4-11 сентябрендә Казанда үтте. Татарстан башкаласына түбәндәге 9 БДБ иленнән 1500 артык катнашучы, шул исәптән якынча 1100 спортчы (14-23 яшьлек) килде:

Казахстан

Таҗикстан

Азәрбәйҗан

Кыргызстан

Үзбәкстан

Әрмәнстан

Молдова

Беларусь

Россия

Уеннар 16 спорт төре буенча үткәрелде, спортчылар арасында барлыгы 181 бүләк комплекты уйнатылды. Ярышларда 400 артык судья һәм рефери, шулай ук 1000 артык волонтер эшләде.

БДБ илләре уеннарын үткәрү фикерен Россия Федерациясе тәкъдим итте. Әлеге тәкъдим 2018 елның 28 сентябрендә Дүшәнбе шәһәрендә үткән БДБ дәүләтләре башлыклары советы утырышында хупланды.

Уеннар Бәйсез Дәүләтләр Бердәмлеге илләренең халыклары арасында традицион рәвештә нигез салынган дуслык җепләрен ныгыту һәм физик культура һәм спорт өлкәсендә хезмәттәшлек турында килешүен гамәли яктан тормышка ашыру максатыннан үткәрелде.

Уеннарны үткәрү максатлары түбәндәгеләрдән гыйбарәт иде: спорт осталыгын арттыру һәм спортчыларга халыкара ярышларда катнашу тәҗрибәсен алу; яшьләрдә уңай физик һәм әхлакый сыйфатлар үстерү, ватанпәрвәрлек, максатка ирешүгә ихтыяр көче, тарихка һәм халык гореф-гадәтләренә хөрмәт тәрбияләү; БДБ дәүләтләрендә милли спорт төрләрен тарихи мирас буларак саклау, аларны халыкара дәрәҗәдә популярлаштыру һәм үстерү; сәламәт яшәү рәвешен булдыруга булышлык күрсәтү; БДБ мәйданында спорт элемтәләрен киңәйтү һәм ныгыту.