БДБ илләренең I Уеннарында беренче чемпионнар билгеле булды
Җомга көнне БДБ илләре Уеннары тарихында беренче медаль ияләре билгеле булды. “Ак Барс” көрәш сараенда узган грек–рим көрәше ярышларында 10 медаль комплекты уйнатылды. Биш алтын медаль Россия көрәшчеләренә эләкте, өч беренче урын Азәрбайҗан спортчыларында һәм тагын ике алтын медаль Беларусь җыелмасында. Әлеге дисциплина медальләрен барлыгы 7 команда яулады.
1. Дмитрий Адамов, Россия 2. Курбан Курбанов, Азәрбайҗан 3. Жамол Жумалаев, Үзбәкстан
Россия спортчысы Дмитрий Адамов төркемдәге җиңелү өчен Курбан Курбановтан реванш алып, финалда алтын медаль яулады. Ярымфинал һәм финал алышларның икесен дә Адамов 4:0 белән җиңде һәм турнир җиңүчесе итеп танылды. “Иң беренче алышта мин Курбанга җиңелгән идем, ләкин тренерлар белән нәтиҗәләр ясадым, һәм планыбыз барып чыкты”, – ди үз җиңүе турында Дмитрий Адамов.
77 кг авырлык категориясе
1. Ислам Алиев, Россия 2. Муроджон Алимжанов, Үзбәкстан 3. Рәсүл Жунис, Казахстан
Юниорлар арасында дөнья чемпионы Ислам Алиев Казанда да җиңү яулап, 77 кг авырлык категориясендәге иң өметле көрәшче статусын тагы бер кат раслады. Финалда ул техник өстенлек күрсәтеп, Үзбәкстан вәкиле Муроджон Алимжановтан өстен калды (4:0), ә ярымфиналда Казахстаннан килгән Рәсүл Жунисны (4:1) отты.
82 кг авырлык категориясе
1. Ауэс Гонибов, Россия 2. Мухаммадкодир Расулов, Үзбәкстан 3. Орункул уулу Бекзат, Кыргызстан
1. Мухаммад Евлоев, Россия 2. Максат Сайлау, Казахстан 3. Лачин Вәлиев, Азәрбайҗан
87 кг авырлык категориясендә финалда саллы баллар аермасы белән Мөхәммәд Евлоев җиңде – 4: 0. Ярымфиналда һәм төркем этабында да ул шулай ук үз көчен күрсәтеп, көндәшләреннән өстен калган иде.
97 кг авырлык категориясе
1. Павел Глинчук, Беларусь 2. Зелимхан Цуров, Россия 3. Раймалы уулу Нурманбет, Кыргызстан
97 кг авырлык категориясендәге көрәшчеләр арасында турнир шулай ук түгәрәк системасы буенча узды, җиңүче булып Беларусь спортчысы Павел Глинчук танылды. Ул икенче урынны алган Зелимхан Цуровны 8 очкога артта калдырып, 4 тапкыр җиңү яулады.